អ្នកជំនួញអចលនវត្ថុដ៏សកម្ម ពីរនាក់ ដែលមានងារជា ឧកញ៉ា ទទួលបានការផ្ដល់គោរមងារថ្មីជា អ្នកឧកញ៉ា

ឧកញ៉ា ចាប ហុងលី ប្រធានក្រុមប្រឹក្សាភិបាលក្រុមហ៊ុន Khang Seangly Development Co.,Ltd.និងជាអនុប្រធានសមាគមអ្នកអភិវឌ្ឍន៍លំនៅឋានកម្ពុជា ទទួលបានការផ្ដល់គោរមងារថ្មីជា​​ អ្នកឧកញ៉ា ដោយព្រះរាជក្រឹត្យលេខ នស/រកត/០១២៣/០៣១ ចុះថ្ងៃទី០៤ ខែមករា ឆ្នាំ២០២៣ ។

ឧកញ៉ា លី សេងឃាង អគ្គនាយកក្រុមហ៊ុន BS Land and Home និងជាអនុប្រធានសមាគមអ្នកអភិវឌ្ឍន៍លំនៅឋានកម្ពុជា ទទួលបានការផ្ដល់គោរមងារថ្មីជា អ្នកឧកញ៉ា ដោយព្រះរាជក្រឹត្យលេខ នស/រកត/០១២៣/០៣២​ ចុះថ្ងៃទី០៤ ខែមករា ឆ្នាំ២០២៣ ។

គួរបញ្ជាក់ជូនថា លោក លី សេងឃាង ធ្លាប់ទទួលបានការតែងតាំងគោរមងារជា ឧកញ៉ា ដោយព្រះរាជក្រឹត្យលេខ នស/រកត/០៨១៤/១០៧៩ ចុះថ្ងៃទី២០ ខែសីហា ឆ្នាំ២០១០៤ និងលោក ចាប ហុងលី ធ្លាប់ទទួលបានការតែងតាំងគោរមងារជា ឧកញ៉ា ដោយព្រះរាជក្រឹត្យលេខ នស/រកត/០៥១៥/៤៣៥ ចុះថ្ងៃទី១២ ខែឧសភា ឆ្នាំ២០១៥ ៕