នៅថ្ងៃទី០៧ ខែមករា ឆ្នាំ២០២៣នេះ ព្រះករុណាព្រះបាទសម្ដេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ទ្រង់បានឡាយព្រះហស្ដលេខានៅលើព្រះរាជក្រឹត្យលេខ នស/រកត/០១២៣/០៥៩ តាមសេចក្ដីក្រាបបង្គំទូលថ្វាយរបស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ដ្រី នៃព្រះរាជាណាចក្រកម្ពុជា ត្រាស់បង្គាប់តែងតាំងមុខតំណែងឯកឧត្តម ឧត្តមសេនីយ៍ឯក ដួង ហេង នាយទាហានថ្នាក់ឧត្តមសេនីយ៍ នៃកងយោធពលខេមរភូមិន្ទ ក្រសួងការពារជាតិ អត្តលេខ ០០១២៨៤ ជាអនុរដ្ឋលេខាធិការ នៃក្រសួងការពារជាតិ បន្ថែមលើមុខងារបច្ចុប្បន្ន ។
គួរបញ្ជាក់ជូនថា ឯកឧត្តម ឧត្តមសេនីយ៍ឯក ដួង ហេង ដែលគេស្គាល់ថា ជាកូនប្រុសរបស់សពឧកញ៉ា ដួង ឈីវ អតីតប្រធានសមាគមចិននៅកម្ពុជា បាន និងកំពុងកាន់មុខតំណែងជា ទីប្រឹក្សាផ្ទាល់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ដ្រី នៃព្រះរាជាណាចក្រកម្ពុជា ផង និងជាមេបញ្ជាការរង នៃបញ្ជាការដ្ឋានអង្គរក្ស ផង ៕
