ឯកឧត្តម លី ណារុន សមាជិកក្រុមប្រឹក្សាជាតិប្រឆាំងអំពើពុករលួយ ទទួលបានការតែងតាំងមុខតំណែងជា រដ្ឋលេខាធិការ នៃក្រសួងអភិវឌ្ឍន៍ជនបទ បន្ថែមលើមុខងារបច្ចុប្បន្ន ដោយព្រះរាជក្រឹត្យលេខ នស/រកត/០៣២៣/៣៩៧ ចុះថ្ងៃទី០៧ ខែមីនា ឆ្នាំ២០២៣ ។
គួរបញ្ជាក់ជូនថា ឯកឧត្តម លី ណារុន ទទួលបានការតែងតាំងជា សមាជិកក្រុមប្រឹក្សាជាតិប្រឆាំងអំពើពុករលួយ ( មានឋានៈស្មើ រដ្ឋមន្ដ្រី ) ជ្រើសតាំងដោយព្រឹទ្ធសភា តាំងពីអំឡុងឆ្នាំ២០១៤មកម្ល៉េះ ដោយព្រះរាជក្រឹត្យលេខ នស/រកត/០៩១៤/១១០១ ចុះថ្ងៃទី០៦ ខែកញ្ញា ឆ្នាំ២០១៤ និងត្រូវបានតែងតាំងបន្តអាណត្តិជាហូរហែរហូតមកទល់បច្ចុប្បន្ន ( ដោយព្រះរាជក្រឹត្យលេខ នស/រកត/០៧១៥/៦៨៥ ចុះថ្ងៃទី០១ ខែកក្កដា ឆ្នាំ២០១៥ និងព្រះរាជក្រឹត្យលេខ នស/រកត/០៧២០/៧៣០ ចុះថ្ងៃទី១៤ ខែកក្កដា ឆ្នាំ២០២០ ) ៕
