រាជរដ្ឋាភិបាលកម្ពុជា បានសម្រេចកំណត់ផ្ទៃដីទំហំ ១១ ១៧៧ហិកតា ស្ថិតក្នុងឧទ្យានជាតិព្រះមុនីវង្ស « បូកគោ » នៃភូមិសាស្ដ្រខេត្តកំពត និងខេត្តព្រះសីហនុ ជាតំបន់ប្រើប្រាស់ដោយចីរភាព និងធ្វើអនុប្បយោគជាដីឯកជនរបស់រដ្ឋ ព្រមទាំងអនុញ្ញាតឲ្យក្រុមហ៊ុន សុខា អូតែល ធ្វើការអភិវឌ្ឍន៍ទីតាំងដីធ្លីនេះ ស្របតាមកិច្ចសន្យាស្ដីពីការជួលដីសម្រាប់គម្រោងអភិវឌ្ឍន៍ឧទ្យានជាតិព្រះមុនីវង្ស « បូកគោ » ចុះថ្ងៃទី១៨ ខែឧសភា ឆ្នាំ២០០៧ ដោយអនុក្រឹត្យលេខ ១៥៨អនក្រ.បក ចុះថ្ងៃទី០៤ ខែសីហា ឆ្នាំ២០២២ ។
មិនទាន់បានដឹងជាក់លាក់អំពីរយៈពេលជួល និងតម្លៃឈ្នួលដីទំហំជាង១ម៉ឺនហិកតា ស្ថិតក្នុងឧទ្យានជាតិព្រះមុនីវង្ស « បូកគោ » នៃភូមិសាស្ដ្រក្រុងបូកគោ ខេត្តកំពត និងស្រុកព្រៃនប់ ខេត្តព្រះសីហនុ រវាងរាជរដ្ឋាភិបាលកម្ពុជា និងក្រុមហ៊ុន សុខា អូតែល របស់ឧកញ៉ា សុខ គង់ នោះនៅឡើយទេ ៕
