អ្នកជំនួញសញ្ជាតិឥណ្ឌូនេស៊ី ដំបូងគេដែលទទួលបានងារជា ឧកញ៉ា ក្រោយទទួលបានសញ្ជាតិខ្មែរ

អ្នកជំនួញសញ្ជាតិឥណ្ឌូនេស៊ី ម្នាក់ អាយុ៧០ឆ្នាំ គឺលោក តូនី តាន់ឌីហ្សូណូ ( Tony Tandijono ) ទទួលបានការផ្ដល់សញ្ជាតិខ្មែរ តាមសញ្ជាតូបនីយកម្ម តាំងពីនៅមានអាយុ៤៧ឆ្នាំមកម៉្លេះ ដោយព្រះរាជក្រឹត្យលេខនស/រកត/១១០០/១៩៨ ចុះថ្ងៃទី២២ ខែវិច្ឆិកា ឆ្នាំ២០០០ ។

រយៈពេលប្រមាណពីរខែក្រោយទទួលបានការផ្ដល់សញ្ជាតិខ្មែររួចមក លោក តូនី តាន់ឌីហ្សូណូ​​ ( Tony Tandijono ) ក៏ទទួលបានការផ្ដល់គោរមងារជា ឧកញ៉ា ដោយព្រះរាជក្រឹត្យលេខ នស/រកត/០១០១/០១២ ចុះថ្ងៃទី១៥ ខែមករា ឆ្នាំ២០០១ ពោលគឺបានក្លាយជាអ្នកជំនួញឥណ្ឌូនេស៊ី មុនដំបូងគេដែលទទួលបានគោរមងារជា​​​ ឧកញ៉ា បន្ទាប់ពីទទួលបានសញ្ជាតិខ្មែរ​ ៕